Er det ein person du kjenner deg trygg på? Som du syntes det er lett å snakke med? Ein ven, nokon i familien, ein nabo, ein lærar eller kanskje ein fotballtrenar? Det er mange du kan snakke med, som vil lytte og hjelpe deg. Men dersom du syntes det er vanskeleg å kome på nokon, eller du ynskjer å snakke med andre, kan du ta kontakt med ein av dei som står oppført under her.

Det viktigaste er at du delar det som er vanskeleg med nokon.

Volda kommune har tilsaman 15 barnehagar fordelt innad i kommuna, og her møter du flotte og imøtekomande vaksne som er tilgjengeleg dersom det skulle være noko ein lurer på.

Alle barnehagane i Volda kommune skal drivast i samsvar med 
Lov om barnehagar og Rammeplan for barnehagens innhold og oppgaver

Alle barnehagane i kommunen gir tilbod til barn mellom 1 – 6 år.

Søknad om, og svar på, tildeling av barnehageplass, endring eller oppseiing skal gjerast her.

Alle barn har rett til eit trygt og godt skulemiljø som fremjar helse og trivsel. Dette har alle tilsette på skulen ansvar for. 

§9A i opplæringslova er elevane si arbeidsmiljølov. Det er tydelegare krav og forventningar til kva skulen skal gjer, og reglane skal gjelda både i leksehjelpsordninga og i SFO. Det er lovfesta nulltoleranse mot mobbing.

Elevar eller føresette som treng nokon å snakka med om uro kring det psykososiale miljøet eller mobbing, kan snakka med kontaktlærar eller rektor på den einskilde skule.

Helsestasjonen har helsesjukepleiar til stade ved alle skular - du kan ta kontakt med helsesjukepleiaren på din skule om du treng nokon å snakke med.

Vidaregåande skular:

På dei vidaregåande skulane er det også helsesjukepleiarar og andre tilsette som er tilgjengelege for samtalar og rådgjeving.

Her finn du oversikt over dei vidaregåande skulane i Møre og Romsdal

Klikk deg inn på din skule, og gå vidare på "For deg som elev",  og så "Elevtenester", så finn du informasjon om tilbodet på din skule.

Volda Helsestasjon
Held til i kjellaren i Rådhuset. Dei gir tenester til barn og ungdom i alderen 0-21 år og deira føresette, samt gravide. Tlf: 70 05 88 20. Besøk Helsestasjonsportalen for meir informasjon. 

Alle personar som er busett i ei norsk kommune har rett til fastlege. Du har rett til å bytte fastlege inn til to gangar per. kalenderår og du kan ha fastlege i ein annan kommune enn den du bur i. Fastlegen er ansvarleg for å følge opp sine pasientar i legekontorets opningstid, det vil seie at dersom du har behov for nokon å snakke med kan du ta kontakt med ditt legekontor og be om ein time med din fastlege. Ved akutt oppstått skade eller sjukdom utanom fastlegens opningstid må du kontakte legevakta (116 117). Dersom det står om liv, ring 113.

Les meir om fastlegeordninga her.

Volda legesenter 
Stormyra 6

6100 Volda

Telefon: 70 30 70 70
Telefon legevakt: 116 117

Barneverntenesta

Hovudoppgåva til barnevernet er å gi barn, unge og familiar hjelp og støtte i vanskelege situasjonar. Det er foreldra som har ansvar for å gi barna sine omsorg. Dersom foreldra ikkje strekk til, kan barnevernet bidra til å sikre barn og unge omsorg, tryggleik og moglegheit til utvikling. 

Hareid, Sande, Vanylven, Ulstein, Volda og Ørsta har felles barnevernteneste med tilhaldsstad på rådhuset i Volda. 

Adresse:
Stormyra 2
6100 VOLDA

Telefon: 70 05 88 00
Nettstad: volda.kommune.no/barnevern

Barnevernsvakta
Barnevernsvakta er barneverntenesta sin akuttberedskap og er open heile døgnet.
Hovudoppgåva er å bistå barn, unge og familiar i akutte situasjonar, og dei skal fyrst og fremst sikre at barn og unge har det trygt. 

Adresse:
Ålesund politistasjon
Korsegata 4 (Postgården)
6003 ÅLESUND

Har du eller nokon du kjenner blitt utsett for noko ulovleg? Eller er du kanskje usikker på om det du har vorte utsett for er ulovleg eller ikkje? Da kan du ta kontakt med politiet der du bur. Klikk her for å lese meir om kva politiet kan hjelpe deg med.

Volda og Ørsta politistasjon, Møre og Romsdal politidistrikt.
Torvmyrane 11B
6161 Hovdebygda

Telefon: 70 11 87 00
E-post: post.moreogromsdal@politiet.no

Klikk her for å kome til politiets heimeside.