• Før du sett opp bod, uthus, drivhus, lekehytte, pergola og lignende, må du undersøke kva reglar som gjeld for din tomt.
• I mange tilfeller kan du bygge 50 kvadratmeter utan å søke kommunen først, men det føreset at visse krav er oppfylt.
• Det du ønsker å føre opp må vere i tråd med kommuneplan, reguleringsplan og føresegner for område du bur i.
• Det du ønsker å føre opp må ha tilstrekkeleg med avstand til offentleg veg.  

Dersom tiltaket kjem nærare enn avstanden unntaket opnar for, er tiltaket søknadspliktig. Dersom bygningen er under 50 m2 er dette eit tiltak du kan søkje om sjølv så lenge resten av tiltaket er innanfor unntaksføresegna.  

Meldeplikt når tiltaket er oppført  

Send melding når du er ferdig å bygge for å få registret tiltaket lovleg. Denne innmeldinga er byggeløyvet ditt. Når du melder frå har du også dokumentasjon på at det du har bygd er unntatt søknadsplikt. Dette kan vere fint å ha til seinare, til dømes når du skal selje bustaden din.  

Rettleiar og meir informasjon 

Dibk har gitt ut ein eigen rettleiar der du kan fylle ut informasjon om ditt prosjekt for å sjekke om det er søknadspliktig. Rettleiaren finn du her: Bygg uten å søke: Garasje - Direktoratet for byggkvalitet (dibk.no)

Meir informasjon om bod, uthus, drivhus og liknande finn du på eige informasjonsark som ligg på denne nettsida: Informasjonsark for byggeprosjekt - Volda kommune

Nabosamtykke

Dersom tiltaket er nærare enn regelverket opnar for er du avhengig av eit nabosamtykke – forslag til tekst på nabosamtykke finn du her: avstanderklaering.pdf (volda.kommune.no)

Ta kontakt med kommunen dersom du er i tvil om hva du har lov til å bygge. 

I kommunedelplan for tidlegare Volda (som gjeld for Volda kommune med unntak av tidlegare Hornindal kommune og Bjørke) er det tatt inn nokre føresegner som overstyrer eldre reguleringsplanar med gamle målereglar, eller der storleik ikkje er fastsatt i plan.  

I kommunedelplanen gjeld følgjande i område regulert til eksisterande bustadføremål  

Maks utnytting (BYA)

• 30 % regulert til frittliggande småhusbebyggelse
• 40 % regulert til konsentrert småhusbebyggelse

Garasjar

• Maks 50 m 2 BYA
• Maks 1 etasje, men i bratt terreng kan garasje oppførast med underetasje
• Krav om minimum 6 m frå vegkant på kommunale vegar. Kommunen kan godkjenne 2,5 m frå vegkant dersom innkøyringa er parallell med vegen

I kommunedelplanen gjeld følgjande i område regulert til spreidt bustadbygg  

Garasjar

• Maks 50 m 2 BYA
• Maks 1 etasje, men i bratt terreng kan garasje oppførast med underetasje
• Krav om minimum 6 m frå vegkant på kommunale vegar. Kommunen kan godkjenne 2,5 m frå vegkant dersom innkøyringa er parallell med vegen

Jordlova § 9 og § 12 gjeld.  

Rettleiar og meir informasjon 

Dibk har gitt ut ein eigen rettleiar der du kan fylle ut informasjon om ditt prosjekt for å sjekke om det er søknadspliktig. Rettleiaren finn du her: Bygg uten å søke: Garasje - Direktoratet for byggkvalitet (dibk.no)

Meir informasjon om bod, uthus, drivhus og liknande finn du på eige informasjonsark som ligg på denne nettsida: Informasjonsark for byggeprosjekt - Volda kommune

På  Hva er en bruksendring? - Direktoratet for byggkvalitet (dibk.no) 
kan du lese meir om kva ei bruksendring er, kva som er søknadspliktig og kven som kan søkje om det.  
 

Døme på om du må søkje om bruksendring

Har du ein bustad ført opp eller søkt om før 01.07.2011 er det gjort grep i regelverket for å gjere det enklare å gjere om bod, loft og kjellar til opphaldsrom. Det kan du lese meir om på her: Bruksendring i eldre boliger - Direktoratet for byggkvalitet (dibk.no)

Dersom bruksendringa fører til at det vert oppretta ei eiga bueining, må dette søkjast om særskilt. Les meir om dette på denne sida: LENKJE til Kva vil du gjere_oppretting av bueining_nivå 2 

Byggesaksforskriften § 2-2. Oppdeling av boenhet slår fast at det oppstår ei søknadspliktig oppdeling av bueining dersom desse tre vilkåra er oppfylt:

• Har alle hovudfunksjonar for bustad (opphaldsrom, soveplass, bad, kjøkken)
• Har egen inngang og
• Er fysisk adskilt fra øvrige enheter

Krava skal berre vurderast ut frå desse fysiske eigenskapane.

Krav i gjeldande plan

Nye tiltak skal oppfylle krav i dagens regelverk. Det inneber at det kan vere krav til t.d. parkering og uteopphaldsareal som vert utløyst av ny bueining. Kva som gjeld for eigedomen din finn du på www.arealplaner.no  

På Søknadsplikt for oppdeling av bolig til flere boenheter - Direktoratet for byggkvalitet (dibk.no) kan du lese meir om dette.  

Solcelle-anlegg er, på nærare vilkår, ikkje søknadspliktig etter plan- og bygningsloven (pbl) § 20-5 og SAK10 § 4-1 e) nr. 4.

Kva tiltak gjeld dette for?

Installering og endring av solenergianlegg på eksisterande byggverk innanfor ei brukseining eller branncelle er unntatt kravet om søknadsplikt, føresett at anlegget ikkje:

1. Går over fleire brukseiningar/brannceller

2. Inneber ei fasadeendring

3. Er plassert nærare nabogrense enn 4 m, jf. pbl §29-4

4. Er i konflikt med planføresegner i området

Kven er ansvarleg for kva?

Du er sjølv ansvarleg for at tiltaket (tiltaket = solenergianlegget) følgjer føresegnene i plan- og bygningslova med tilhøyrande forskrifter, arealplanar som kommuneplanens arealdel og reguleringsplan, og andre løyver. Installasjonen av anlegget må heller ikkje vere i strid med anna regelverk, som t.d. byggegrenser i Veglova eller kulturminnelova med tilhøyrande føresegner.

Vi rår til at du informerer naboane dine før du monterer anlegget. 

Om solenergianlegget er ei vesentleg fasadeendring eller ikkje vert avgjort ved eit fagleg skjønn. Grunna dette rår vi til at du forhøyrer deg med kommunen før du monterer eit solenergianlegg utan å søkje. 

Moment som kan vere avgjerande i vurdering av søknadspliktig fasadeendring eller ikkje kan vere plassering og utstrekning av anlegget, materialbruk og fargekontrastar, refleksjon og eksponering i høve omgjevnadane, omsyn til heilskapleg utforming i eit område og ei bygning si arkitektoniske eigenverd.

Støttemur

Høgde på mur, avstand til nabogrense og veg, og kva som gjeld konkret for din eigedom er avgjerande for om støttemuren er søknadspliktig og om det er noko du kan søkje om sjølv eller om fagfolk må stå for søknaden. Informasjonsark om støttemur finn du her: Informasjonsark for byggeprosjekt - Volda kommune

Nabosamtykke

Dersom tiltaket er nærare enn regelverket opnar for er du avhengig av eit nabosamtykke – forslag til tekst på nabosamtykke finn du her: avstanderklaering.pdf (volda.kommune.no)

Terrenginngrep

Vi bur i ei kommune med mykje aktsemdsområde for ustabil og mogeleg rasutsett grunn som gjer at utfylling eller graving i terrenget kan får store konsekvensar. Det er ditt ansvar å bygge i tråd med gjeldande lover og reglar, og du må setje deg inn i kva som gjeld for din eigedom.

Vesentleg terrenginngrep må som hovudregel søkast om.

Mindre terrenginngrep kan i følgjande tilfelle også vere søknadspliktig:

• I bevaringsområde eller innanfor eit kulturmiljø
• Innanfor 100-metersbeltet i strandsona eller ved vassdrag
• Innanfor aktsemdsområde for marin leire eller kartlagt kvikkleireområde
• I naturmiljø (sjå naturmangfaldsplan)

Terrenginngrep unntatt søknadsplikt

Du må først sjekke at tiltaket ikkje er i strid med plan- og bygningslova, gjeldande planar eller anna regelverk.

Mindre fylling eller planering av terreng vil ikkje vere sett på som som vesentleg og krev ikkje søknad.

Kva som vert sett på som «mindre» vil avhenge av tiltaket sin karakter og innverknad på omgjevnadane. Hugs at fleire mindre arbeider over tid samla sett kan føre til vesentlege endringar av terrenget og dermed utløyse søknadsplikt.

Du treng ikkje søkje dersom tiltaket gjeld fylling/planering der høgdeskilnaden i høve opphaveleg terreng ikkje fører til

• Meir enn 3 m avvik i spreidd-bebygd strok
• Meir enn 1,5 m avvik i tett-bebygd strok
• Meir enn 0,5 m avvik på eigedom for rekke- og kjedehus og liknande i tett bebyggelse

Du må sjå til at avstanden mellom fyllingsfoten (altså der inngrepet startar) og nabogrensa er minst 1,0 m på egen grunn, og fyllingstoppane må ikkje vere høgare enn krava som er satt for støttemurar. Dersom fyllingsfoten kjem nærare enn 1 meter blir tiltaket søknadspliktig og du må innhente eit skriftleg samtykke frå naboen før søknaden vert sendt til kommunen.

Nabosamtykke

Dersom tiltaket er nærare enn regelverket opnar for er du avhengig av eit nabosamtykke – forslag til tekst på nabosamtykke finn du her: avstanderklaering.pdf (volda.kommune.no)

Bilete viser ein 1 meter høg fylling der fyllingstoppen må vere plassert 2 meter frå nabogrense.

Bilete viser ein 1,5 meter høg fylling der fyllingstoppen må vere plassert 4 meter frå nabogrense.

Dersom tiltaket kan medføre konflikt med miljø- eller kulturminneverdier tilrår vi at du søker på tiltaket, sjølv om terrengendringa er under dei definerte grensene i Byggesaksforskriften (SAK10). Det betyr at det ikkie berre er fyllingshøgda som er avgjerande for om søknadsplikta inntrer, men omfang og moglege konsekvensar.