Lov om barnehage § 10 regulerer barnehagemynde sitt ansvar.

Barnehagemynde er gitt eit særleg ansvar for å rettleie søkar i godkjenningsprosessen slik at søknaden inneheld tilstrekkeleg informasjon. Rettleiingsansvaret gjeld uavhengig av om det er kommunal eller privat søkar. 

Barnehagemynde skal rettleie om dei ulike krava til etablering av barnehage, mellom anna kommunale føringar og vilkår for kommunalt tilskot.

Private aktørar som har planar om å bygge barnehage, må ha konkrete og eigna forslag til tomt eller bygning som kan nyttast til barnehage. Planen må innehalde informasjon om eigarform, driftsform og talet på barn og tilsette. Den som skal arbeide i barnehagen, og eigar av barnehagen, må legge fram tilfredsstillande politiattest. Før prosjektet vert satt i gang, må det avklarast om barnehagen vil kvalifisere for offentleg finansiering frå kommunen. Søkar bør difor kontakte kommunen tidleg for å få informasjon om kommunen sine krav.

Når eigar har fått tilsegn om kommunalt tilskot, skal det søkast om godkjenning av barnehagen etter Lov om barnehager § 10.

Det vert anbefalt at det vert søkt om tilsegn om tilskot, før det vert satt i gang større prosessar. Dette for å få avklart om barnehagen vil få kommunal finansiering ved etablering av ny barnehage, eller utviding av eksisterande barnehage. 

Når ein allereie godkjent barnehage gjer endringar av eit visst omfang, skal barnehageeigar melde dette til kommunen. Kommunen ved barnehagemynde må vurdere kor store dei faktiske endringane er, og avgjere om endringa krev ny godkjenning.

Om ein barnehage endrar organisasjonsform og organisasjonsnummer, krev ikkje kommunen at barnehagen må godkjennast på nytt. Kommunen må vurdere kor store dei faktiske endringane er.

Dersom ein barnehage flyttar til eit anna lokale, vil endringa vere så stor at den opphavlege godkjenninga ikkje er gyldig lengre. Barnehageeigar må da søke om ny godkjenning.

Lov om barnehage § 6: Virksomhetens plikt til å søke godkjenning

"Virksomheter som har ansvar for barn under opplæringspliktig alder, plikter å søke godkjenning som barnehage når:

a) virksomheten er regelmessig og ett eller flere barn har en ukentlig oppholdstid på mer enn 20 timer, og

b) antall barn som er til stede samtidig er ti eller flere når barna er tre år eller eldre, eventuelt fem eller flere når barna er under tre år, og

c) virksomheten utføres mot godtgjøring.

Virksomheter etter første ledd må være godkjent før driften settes i gang."

Lov om barnehager § 14: Godkjenning

Kommunen avgjør søknader om godkjenning etter en vurdering av barnehagens egnethet ut fra formål og innhold, jf. §§ 1, 1a og 2.

Kommunen kan ved godkjenningen sette vilkår for driften med hensyn til antall barn, barnas alder og oppholdstid.

Kommunens vedtak kan påklages til statsforvalteren.

Kommunen si vurdering

Rett til godkjenning inneber ikkje ein automatisk rett til finansiering etter Lov om barnehage § 19 om kommunalt tilskot til godkjente private barnehagar. 

Barnehageeigar skal drive verksemda i samsvar med gjeldande lover og regler. Ein barnehage kan ikkje kompensere for manglande finansiering gjennom foreldrebetaling.

Barnehageeigar må dokumentere at inne- og uteareala er i tråd med lova og at drifta vil vere i samsvar med gjeldande regelverk. Rettleiande norm for barn sitt leikeareal inne er 4 kvadratmeter netto per barn over tre år og omtrent ein tredjedel meir (cirka 5,3 kvadratmeter) per barn under tre år. Utearealet i barnehagen bør være omlag seks gangar så stort som leike- og opphaldsarealet inne. Søker barnehageeigar om dispensasjon frå rettleiande norm, krev kommunen ei grunngjeving og vil foreta ei konkret vurdering.

Barnehagemynde skal vurdere om verksemda er eigna ut i frå krava som vert stilt til formål og innhald. Kommunen må vurdere:

• lokale
• uteområde
• bemanningsplan  

Leiar og andre tilsette ved ein godkjent barnehage må legge fram gyldig politiattest.

Dersom den opne barnehagen fyller vilkåra i § 2 i Forskrift om miljøretta helsevern i barnehager og skoler m.v. må barnehagen søke kommunen om godkjenning etter denne forskrifta.

Familiebarnehagar skal godkjennast etter Lov om barnehage § 15 og Forskrift om familiebarnehager.

Familiebarnehagar skal følge regelverket for foreldrebetaling og er omfatta av Forskrift om miljøretta helsevern for barnehager og skoler m.v.

Familiebarnehagar skal helst vere i busett lokale. Det kan verte gitt godkjenning til andre lokale, dersom busett lokale ikkje kan skaffast. Med omgrepet busette kan ein ikkje krevje at familiebarnehagen vert drive i dei romma familien elles bur. Kommunen skal gjennomføre ei synfaring i både heim og eventuelle baselokale, og vurdere om heimen og lokalet er eigna for familiebarnehagedrift.

Dersom familiebarnehagen ønske å gi tilbod til fleire enn fem barn, må den søke om godkjenning for dobbel gruppe. Ei dobbel gruppe har maks ti barn over tre år som er til stades på same tid. Familiebarnehagar kan ikkje ha doble grupper i lokale som ikkje er busett.

Barnehageeigar skal søke kommunen om godkjenning. Søknad om godkjenning av barnehage må innehalde nok informasjon til at barnehagemynde kan handsame søknaden. Det set krav til planteikning inne og ute. Planteikningane må gi barnehagemynde informasjon om kva delar av arealet som er planlagt som leike- og opphaldsareal. Søknaden skal og innehalde bemanningsplan, vedtekter og politiattest, dersom eigar oppheld seg i barnehagen eller på anna måte har moglegheit til å vere direkte kontakt med barnehagebarna. Det at søkar allereie har starta eller driv fleire barnehagar, er ikkje grunnlag for å ikkje levere attest dersom søkar skal arbeide i den nye barnehagen. Legg og ved relevant uttale frå andre mynde. 

Barnehageeigar skal drive verksemda i samsvar med gjeldande lover og reglar.

Søknad om godkjenning må innehalde:

• Planteikning av barnehagen
• Teikningar av uteareal
• Parkeringsplassar
• Vedtektene for barnehagen
• Bemanningsplan
• Politiattest

Søkar må vere merksam på at det og må søkast om godkjenning etter Forskrift om miljøretta helsevern i barnehager og skoler m.v.

Kommunen ved barnehagemynde gjer eit skriftleg enkeltvedtak etter forvaltningslova med grunngjeving for kvifor søknad om godkjenning er innvilga, innvilga med vilkår eller avslått etter Lov om barnehage § 14.  Grunngjevinga inneheld ei vurdering av om barnehagen er eigna etter Lov om barnehage §§ 1, 1a og 2.

frist for å klage på vedtaket er 3 - tre veker frå du mottek vedtaket. Klagen sender du til sektor oppvekst. I klagen skal du angi kva du ønske endra i vedtaket og grunngi dette.

Klageinstans er Statsforvalteren i Møre og Romsdal. Instansen i kommunen som fatta vedtaket, skal vurdere om det er grunn til å endre vedtaket, før det vert sendt til Statsforvaltaren i Møre og Romsdal.  

Private barnehagar skal melde frå til kommunen og Utdanningsdirektoratet (Udir), dersom barnehagen skal legge ned, skifte eigar eller gjere andre organisatoriske endringar. 

Barnehagen må melde frå før endringa skal skje. Dette skal sikre at kommunen og Udir får tilstrekkeleg informasjon for å ivareta sine oppgåver. Departementet kan gi forskrift om kva som skal reknast som organisatoriske endringar, og om korleis meldeplikta skal gjennomførast.

Her finn du skjema for å melde frå om endringar

Lov om barnehage
§ 6. Virksomhetens plikt til å søke godkjenning
§ 7. Krav til barnehagens virksomhet § 10. Barnehagemyndighetens ansvar
§ 11. Krav til likebehandling og uavhengighet
§ 14. Godkjenning

Forskrift om familiebarnehager

Lov om behandlingsmåten i forvaltningssaker (forvaltningsloven)
§ 2 (definisjoner) 
§ 11 a (saksbehandlingstid, foreløpig svar) 
§ 28. (vedtak som kan påklages, klageinstans)
§ 29. (klagefrist)

Annet regelverk som er relevant i godkjenning av barnehage
Lov om planlegging og byggesaksbehandling 
Forskrift om miljørettet helsevern i barnehager og skoler mv   Oppheva forskrift
Arbeidsmiljøloven 
Brann og eksplosjonsvernloven 
Forskrift om brannforebygging 
Forskrift om sikkerhet ved lekeplassutstyr 
Matloven

Bodil Brautaset
Avdelingsleiar barnehage,
Oppvekst 

E-post: bodil.brautaset@volda.kommune.no

Tlf. direkte 70 05 88 73
Tlf. mobil: 91 19 45 98

Nina Hovden Eidheim
Fagkonsulent, 
Oppvekst 
E-post: nina.hovden.eidheim@volda.kommune.no

Tlf. direkte 70 05 88 68