For å kople deg til det kommunale vass- og avløpsnettet må du sende inn søknad om sanitærabonnement til Volda kommune. 

1. Søknadsskjema skal vere utfylt av ansvarleg søkar. Ansvarleg søkar er røyrleggarfirma eller anna firma med kompetanse på legging og kopling av røyr. Sjå link under for å kome til søknadsskjema.
2. Søknaden skal vere godkjent før arbeidet startar. 
3. Tilkoplingsavgift skal vere betalt før ein kan kan kople seg til det kommunale leidningsnettet. 
4. Ei skisse av planlagt tiltak må leggast ved. 
5. Arbeidet skal utførast av ansvarleg føretak i samsvar med standard abonnementsvilkår, og tiltaket skal dokumenterast med innmåling.
6. Graving på kommunal grunn krev graveløyve og må sendast inn som eige søknadsskjema.  
7. Dersom røyrleidninga kryssar eigedomen til andre, eller er tilkopla felles private anlegg, må du legge ved dokumentasjon på tinglyste fråsegner om dette.
8. Byggetiltak skal ikkje føre til auka avrenning til det kommunale overvassnettet. Det er krav om infiltrering eller fordryging av drens- og overvatn.

Klikk her for å kome til søknadsskjema.

Du må søke om ferdigmelding for alle tiltak på vass- og avløpsnettet som er tilknytt det kommunale vass- og avløpsnettet. 

1. Søknadsskjemaet skal vere utfylt av ansvarleg søkjar eller ansvarleg utførande føretak. Sjå link under for å kome til søknadsskjemaet. 
2. Oppdatert situasjonsplan/skisse og innmålingsdokumentasjon som viser VA-anlegget som bygd skal leggast ved. 
3. Ferdigmelding for sanitærabonnement må vere godkjent før det blir gitt midlertidig bruksløyve eller ferdigattest for tiltak i samsvar med Plan- og bygningslova.

Klikk her for å kome til søknadsskjema.