Ungdomsklubben Ung i Volda har invitert DIGGA- Digitalt og audiovisuelt akademi til å halde gratis intensivkurs for ungdom på samfunnshuset i vinterferien. DIGGA lærer barn og unge korleis dei kan gå frå å verte påverka av innhald på internett, til å sjølv positivt påverke andre. 

Måndag fekk vi besøk frå NRK radio, og Arne Flatin, journalist i NRK, som ville høyre meir om tilbodet.

UNG kunst og kultur» er eit tiårig verdiskapingsprogram der fylkeskommunen (mrfylke.no) vil bidra til eit breitt og mangfaldig kulturtilbod til barn og unge i heile fylket. Kunst og kultur er eit verkemiddel for å auke trivsel, kjensle av å høyre til og til å utvikle sine ferdigheiter innan det ein likar å halde på med. 

Fylkeskommunen og kommunane i Møre og Romsdal vil på denne måten støtte opp om tiltak som bidreg til å gi ungdom rom til, og møtestadar til å lære, erfare, uttrykke seg og utvikle seg gjennom kunst og kultur.

Kurset som går i vinterferien vert finansiert av midlar frå fylkeskommunen.