Skravlekoppbesøk

I ein 70 fots stålskute kjem “Skravlekoppgeneralane” Venke Knutson og Ingrid R.Leirvik på besøk til Volda

Program 30. juni

14:30 - Skravlekoppstrikkekafe, Volda Mode

15:00 – Skravlekopptur i sentrum – besøk innom skravlekoppambassadørar (Volda Sanitetslag, Volda Mode, Varmesen, Geiranger Bakeri)

16:30 – Velkommen v/Mappeløs Venke Knutson og Ingrid R. Leirvik (Gjestehamna)

16:40 – Skravlekoppkommune v/ Sølvi Dimmen (snorklipping)

16:50 – Musikkinnslag v/Guro Kristine Gjøsdal og John Inge Bjøringsøy

17:00 - Johnny Leikvoll Drabløs

17:05 – God tur vidare!

Skravleskuta «Skydancer» er på skravletreff langs heile kysten. Skuta kjem onsdag frå besøk i Ørsta og skal vidare til mellom anna kommunane Bergen, Stavanger og Kristiansund.

Slik fungerer Skravlekopp

Ein Skravlekopp er ein grøn kopp som står saman med dei andre koppane på utvalde kafear, kantiner og møteplassar. Om du vel drikka di i ein Skravlekopp, viser du andre i lokalet at du gjerne snakkar litt med nokon medan du drikk den. Skravlekoppen er både for dei som treng litt skravling – eller tilbyr litt skravling. Skravlekopp er for dei som er heime i permisjon, for pensjonistar, for nye i bygda/byen, for dei som føler seg litt einsame. Det er for dei som ønskjer å bli kjent med nye. Skravlekopp er for alle.

Gjennom prosjektet «Skravlekoppen» ønskjer kommunen å auke fokuset på førebygging av einsemd og isolasjon. I samarbeid med lokale aktørar som kafear, institusjonar og friviljuge organisasjonar vert kommunen ein «Skravlekoppkommune».

På laget har vi allereie fått med oss Volda Mode, Varmesen, Geiranger bakeri, Brør, Volda Kyrkjekontor og Volda Sanitetslag. Studenparlamentet ved Høgskulen i Volda er allereie Skravlekoppambassadørar.

Bli med!

Bli med å delta på stadfestinga av Volda som skavlekoppkommune saman med “medskravlarar”. I tillegg til livestreamsending vert det og intervju, utdeling av skravlekoppar og musikkinnslag.

Ønskjer du å bli ein skravlekoppambassadør? Ta kontakt!