Statsforvaltaren trekte fram som eit særleg godt døme at Volda kommune saman med grannekommunane Ørsta og Vanylven skal gjennomføre risiko- og sårbarheitsanalyse (ROS) som vil vere ferdig tidleg i komande kommunestyreperiode. ROS er grunnleggjande dokumentasjon for dei planane som det nye kommunestyret skal arbeide med.

Kommunen fekk mykje ros for arbeidet med samfunnstryggleik og beredskap, men fekk også eit avvik som gjaldt mangel på plan for oppfølging av tiltaka i eksisterande ROS-analyse frå 2020. 

Tilsyna frå statsforvaltaren inngår i kommunen sitt kvalitetsarbeid for læring og forbetring. Beredskapsrådgjevar Sonja Håvik seier at vi allereie har klart for oss korleis vi skal lukke avviket. Ny ROS-analyse skal utarbeidast til hausten, der den vert integrert i kommunen si plan- og verksemdstyring og tiltaka skal inn i budsjett, økonomiplan og årsrapportering. Kommunen har fått frist til 12. juli til å leggje fram ein plan som skisserer dette.