Tenesten Flipp har over 90 magasin og teikneseriar i digital utgåve. Når du opprettar ein brukar i appen kan du også laste ned innhald slik at du kan lese vidare når du er utan nettverk, til dømes på hytta eller på reise. 

Når du opnar appen på biblioteket sitt nettverk (SSIKT-gjest) får du automatisk tilgang, og denne har du i heile sju dagar før den må fornyast.

Appen BookBites gir deg tilgang til elektroniske bøker og lydbøker. For å få tilgang må du laste ned appen, opprette ein brukar, og deretter logge på med lånekortet ditt for å tilknyte deg Volda folkebibliotek. Born i grunnskulen kan logge på i appen med Feide-brukaren sin. 

Ta kontakt med oss på biblioteket dersom du treng hjelp til å logge på første gong. 

Du kan lese meir om begge tenestene under Digitale teneste her på heimesida vår.